El Justicia de Aragón ::Defendiendo los derechos y libertades de los ciudadanos desde el siglo XIII

Fernando García Vicente estió eslechito por bez primera Chustizia d'Aragón o 20 de mayo de 1998 con o boto unanime de toz os deputatos d'as Cortes d'Aragón e tornó a estar eslechito ro 17 d'abiento de 2003.

Naxió en Zaragoza o 28 d'abiento de 1948. Ye casato e tien dos fillos.

Ye dotor en Dreito e Profesor Tetular de Dreito d'a Unibersidá de Zaragoza. Fiscal dende 1978, ha desempeñato ro suyo quefer en as audienzias de Nabarra, Zaragoza, Teruel, Logroño e Chirona. Dende 1990 ye fiscal chefe de l'Audienzia Probinzial de Uesca, autualmén en serbizios espezials.

Ye bocal d'a Comisión Aragonesa de Dreito Zebil e miembro de l'Academia Aragonesa de Lechislazión e Churisprudenzia.

Fernando García Vicente ye autor de más de 30 publicazions, entre atras a tetulata Comentario al testamento mancomunado aragonés, enfilata por os profesors Lacruz Berdejo e Delgado Echevarría, e ha prenunziato muitas conferenzias drento e difuera d'España.

Entre atras distinzions, poseye a Medalla d'Oro d'a Facultá de Dreito d'a Unibersidá de Zaragoza, a Medalla d'Oro d'a Unibersidá Pontifizia d'Asunzión (Paraguay), a Medalla d'Amnistía internazional e a Cruz de San Reimundo de Peñafort. Antiparti, ye Cadete Onorario de l'Academia Cheneral Melitar de Zaragoza.